ఈ పుట అచ్చుదిద్దబడ్డది
రేకు: 0312-4 సామంతం సంపుటం: 11-070
పల్లవి: వేసాలవాఁడు గదవే విట్ఠలేశుఁడు
తా వేసారఁ డెందుకు నైనా విట్ఠలేశుఁడు
చ. 1: వేడుకకాఁడు గదవే విట్ఠలేశుఁడు నాకు
వీడె మిచ్చీ నింతనోనె విట్ఠలేశుఁడు
వీడ నాడనీఁడు నన్ను విట్ఠలేశుఁడు అట్టె
వేడెవట్టీ వలపులు విట్ఠలేశుఁడు
చ. 2: వెన్నెలనవ్వులు నవ్వీ విట్ఠలేశుఁడు యాడో
విన్నపము లాలకించీ విట్ఠలేశుఁడు
వెన్నముచ్టిమి విద్యల విట్ఠలేశుఁడు నా
విన్నఁదన మెల్లా బాపీ విట్ఠలేశుఁడు
చ. 3: విరులు నాపైఁ జల్లీ విట్ఠలేశుఁడు కడు
విరివికాఁడు గదవే విట్ఠలేశుఁడు
ఆరిది శ్రీవెంకటాద్రి నందు నిందు నన్నుఁ గూడె
వెరవరి గదవె యీ విట్ఠలేశుఁడూ
