ఈ పుట అచ్చుదిద్దబడ్డది
రేకు: 0312-3 రాయగౌళ సంపుటం: 11-069
పల్లవి: ఏల వేగిరపడేర యింతలో మీరు
తాలిమి చూపి యతఁడె దయసేసీఁ గాకా
చ. 1: చనవు లిచ్చినవాఁడు సరవు లేల తప్పునె
మనసు చూడ వలసి మాయలు గాక
నను పై యుండేవాఁడు నవ్వ కేల మానునె
పెనఁగించుకొని తానె బెరసీఁ గాకా
చ. 2: యిచ్చక మాడెటివాఁడు యెగ్గు లేల పట్టునె
ముచ్చట లాడ వలసి మొరఁగీఁ గాక
మెచ్చినట్టివాఁడు మేలు మెరయ కేల మానునె
రచ్చ కెక్కినందాక రాఁపు సేసీఁ గాకా
చ. 3: కలసినయట్టివాఁడు కరఁగ కేలు లండునె
అలపు దేరినదాఁకా ఆలించీఁ గాక
యెలమి శ్రీవెంకటేశుఁడిక నేల లోఁచీనె
చెలఁగి తనబాసలు చెల్లించీఁ గాకా