ఈ పుట అచ్చుదిద్దబడ్డది
రేకు: 0312-2 మద్యమావతి సంపుటం: 11-068
పల్లవి: మనసు లొక్కటులైతే మరి యేల మఱఁగూ
పని గలితేఁ జేసే బాయిట నే వేయనూ
చ. 1: నీ కెంత సంతోష మైనా నేడు నా సంతోస మదె
ఆకడ నీవు నవ్వితే నది నానవ్వె
లోకలోడిమాఁట గాదు లోను వెలి నొక్కటె
ఆకె నీడకె తేవయ్య నవుఁగాము లెంచను
చ. 2: నీవు లెస్స వుండితే నేనె లెస్స వుండిన దది
లావు నీకుఁ గలితే నా లావూ నాదె
కావర మించుకాఁ గాదు కలగుణము నా కిది
వావులు చెప్పుకోరయ్య వద్దని నే ననను
చ. 3: నీ మేలె నా మేలు నే నేరుపె నా నేరుపు
ప్రేమపు నీ ప్రియమె నా ప్రియ మిదివో
కామించి శ్రీవెంకటేశ గక్కనఁ గూడితి నన్ను
దోమటి దొడికించితే దూరను నే నాపెను
