ఈ పుట అచ్చుదిద్దబడ్డది
రేకు: 0312-1 శుద్దవసంతం సంపుటం: 11-067
పల్లవి: నీతోడిచుట్టరికాలు నిజ మాయను
యేతుల నీ జాణతనా లివి నిజ మాయను
చ. 1: వావి గద్దంటాఁ జెప్పి వద్దఁ గూచండి మెల్లనె
నీవు నవ్విన నవ్వులె నిజ మాయను
చేవ దేర బుజ్జగించి చెక్కులు నొక్కిన నేఁటి
కోవరపు నీ చెనకులు నిజ మాయను
చ. 2: గారివించి సందిగొందిఁ గన్నయప్పు డెల్లాను
నేరుపుల నీ మొక్కులు నిజ మాయను
వారివీరిచేత నీవు వడిఁబె ట్టింపినయట్టి
యీరీతినీ పైఁడిలేక లివి నిజ మాయను
చ. 3: కన్నులలె సన్న సేసి కాఁగిలించుకొన్నట్టి
నిన్న మొన్నటి సుద్దులు నిజ మాయను
మన్నించి శ్రీవెంకటేశ మరిగి నన్ను నేలితి
మున్నిటి నీకోరికలు నిజ మాయను
