ఈ పుట అచ్చుదిద్దబడ్డది
రేకు: 0311-6 వరాళి సంపుటం: 11-066
పల్లవి: నీకు నాకు నీపాటి నెయ్యము లెందు గలవె
కాకుగాఁ జేయ నేలోకో కడ నున్నచెలికి
చ. 1: చనవు సేసుక నీతో సారె సారె నవ్వఁగాను
యెన లేనియెగ్గు లెంచీ యీపె నాతోను
వొనర నీ వన్నిటికి నోరుచుక వుండఁగాను
తన కేల వచ్చెనొకో తమక మీచెలికి
చ. 2: పొందు సేసుక నిన్ను పువ్వులనె వేయఁగాను
యిందు కే లడ్డాలు వచ్చీ నీపె నాతోను
సందడి నాచేఁత నీకు సమ్మతులై వుండఁగాను
అంది వాదు లింతోలొకో అండ నున్నచెలికి
చ. 3: కైవసము సేసుకొని కాఁగిట నిన్ను నించఁగా
యీవల పంత మే లాడీ నీపె నాతోను
చేవదేరఁ గూడితిని శ్రీవెంకటేశ నన్ను
యేవ లేల వచ్చెనొకో యెరవులచెలికి
