ఈ పుట అచ్చుదిద్దబడ్డది
రేకు: 0311-5 పాడి సంపుటం: 11-065
పల్లవి: ఏల వొడఁబరచేవు యింతలోననే నన్ను
నాలి సేసి నోతోను నవ్వేదాననా
చ. 1: మన సిచ్చి నీవు నాతో మాట లెల్లాఁ జెప్పఁగాను
విని నవ్వవలెఁ గాక వేసరేనా
చనవు నీ విచ్చితివి సరి గాదా నను నేను
తనియఁగ వలె గాక తప్పు లెంచేనా
చ. 2: చేయి పట్టుకొని నీవు చేఁత లెల్లఁ జేయఁగాను
యీయకొనవలెఁ గాక యీసడించేనా
ఆయాలు సోఁకించితివి ఆరమరచి చొక్కిలి
చాయ నేయవలెఁ గాక సాదించేనా
చ. 3: కందువ నుచిని నీవు కాఁగిలింగి కూడఁగాను
పొందు సేయవలెఁ గాక పొద్దు వుచ్చేనా
ముందె శ్రీవెంటేశ మోహించితి కలసితి
చెంది మెచ్చవలెఁ గాక సిగ్గు వడేనా
