ఈ పుట అచ్చుదిద్దబడ్డది
రేకు: 0311-4 లలిత సంపుటం: 11-064
పల్లవి: ముంచుకొంటే వలపులు మొగచాటవును
మంచముపై జాగరాలు మరి యేలయ్యా
చ. 1: పచ్చనిచిగురువంటి పళ్లెపు మోవిచెలి
కుచ్చి తేనెలమాటులు కురుసీ నదె
ఇచ్చకానఁ జెవి యొగ్గి యియ్యకొంటి వన్నియును
మచ్చిక నాపైఁ జల్లేవు మరి యేలయ్యా
చ. 2: కలువరేకులవంటి కన్నుల వెన్నెలతేట
పొలితి నేపై దిగఁజోసీ నదె
పొలసి నిలువుననె పూజ గొంటివి నీ వందు
మలసి మాకు మొక్కేవు మరి యేలయ్యా
చ. 3: సారె నిమ్మపండ్లవంటి చన్నులవొత్తులఁ జెలి
కోరిక రతులు నీఫైఁ గులికీ నదె
కూరిమి శ్రీవెంకటేశ కూడితివి నన్నునిట్టె
మారు గొసరేవు నీవు మరి యేలయ్యా
