ఈ పుట అచ్చుదిద్దబడ్డది
రేకు: 0311-3 దేసాక్షి సంపుటం: 11-063
పల్లవి: ఎంత మొగమాయకాఁడ వే మందు నిన్ను
పంతము నెరపఁ బోయి పైకొంటి నేను
చ. 1: నే నిన్నుఁ గోపగించితే నీవు నవ్వితి వందుకు
మోనాన నంతలోన నే మొక్కే నిదె
ఆనుకొని మేటిదొర వన్నిటికి నేరుతువు
కాని మ్మని యీ పనికె కరఁగితి నేనూ
చ. 2: అవ్వలిమోము నే నైతే నడ్డాలు వచ్చేవు నీవు
మువ్వంక నే నిందుకుఁగా మొక్కే నిదె
రవ్వ సేసి భోగించ రంటికి వత్తువు నీవు
యివ్వల నీ వినయాల కియ్యకొంటి నేను
చ. 3: కడుగుట్టు నేఁ జేసితే కాఁగిలించుకొంటి విట్టె
ముడిదీరె నిటమీఁద మొక్కే నిదె
ఆడరి శ్రీవెంకటేశ అందగాఁడ కూడితిని
జడియక మెచ్చి మెచ్చి సత మైతి నేనూ
