ఈ పుట అచ్చుదిద్దబడ్డది
రేకు: 0311-2 మలహరి సంపుటం: 11-062
పల్లవి: విన్నపము లిఁక నేల వేఁడుకో నేల
చిన్ననాఁటి సిగ్గు లెల్ల చిమ్మి రేఁగె నిఁకను
చ. 1: మన్ననలకె మొక్కితి మాటలకే చొక్కితిని
యిన్నేసి నిన్నుఁ దూరఁగ నిఁకఁ జోటేది
అన్నిటా జూణవు నీవు ఆయము లెఱుఁగుదువు
పన్నిన నా జవ్వనము ఫలియంచె నిఁకను
చ. 2: నవ్వులనె తనిసితి నయాలనే మొనసితి
యెవ్వరు నేమి చెప్పేరు యెడసుద్దులు
నివ్వటిల్లు విటుఁడవు నిజ మాడ నేరుతువు
రవ్వ లైన నాభాగ్యము రతి కెక్కె నిఁకను
చ. 3: ముచ్చటఁ దొప్పఁ దోఁగితి మోహాన విఱ్ఱవీఁగితి
వచ్చె నాపంతము లెల్ల వాసు లేఁటివి
యిచ్చట శ్రీవెంకటేశ్వర యిట్టె నన్నుఁ గూడితివి
మెచ్చిత మొదలు నిన్ను మే లాయ నిఁకమ