ఈ పుట అచ్చుదిద్దబడ్డది
రేకు: 0311-1 దేవగాంధారి సంపుటం: 11-061
పల్లవి: నీవంటిచిత్తమె నాకు నిలుప రాదా
చేవ దేర నీ యిచ్చలోఁ జెలగే నయ్యా
చ. 1: సంతస మయనవేళ సారె నవ్వ వచ్చుఁ గాక
చింతించే వేళా నట్టే చేకూరునా
పంతపు నీ చేఁతలు నా భావములో నుండఁగాను
చెంత సరస మాడేవు చెల్లు నయ్య నీకు
చ. 2: చెక్కు నొక్కేటట్టివేళ సేదధేర వచ్చుఁ గాక
కక్కసించేటట్టివేళ కై కొలుపునా
వెక్కసపు నీ మాటలు వింటా నే నుండఁగాను
తొక్కేవు పాదము నేకే తోఁచునయ్య యిట్టివి
చ. 3: మించఁ దనిసినవేళ మే మఱవ వచ్చుఁ గాక
అంచఁ దమకపువేళ ననువు లౌనా
యెంచఁగ శ్రీవెంకటేశ యెనసితి విటు నన్ను
నించితి వేడుక లెల్ల నేర్తు వయ్య నీవు