ఈ పుట అచ్చుదిద్దబడ్డది
రేకు: 0310-6 ముఖారి సంపుటం: 11-060
పల్లవి: వట్టి సటలకు నింత వాసు లేల
మెట్టుక వున్నాఁ డతఁడు మేలమాడ రాదా
చ. 1: కూడి వుండినట్టిచోట గోప మేల మంచి
జాడకు వచ్చియు మరిఁ జల మేల
వేడుకలలోపల విసు పేల
వీడె మిచ్చీ నాతఁడు వేగ నందుకోవే
చ. 2: మేర మీర రానీ నీతో మెణ కేల నిన్ను
గారవించఁగా యాడో కత లేల
నేరము లేనివెనక నెగు లేలా నిన్ను
సారెకుఁ జెక్కు నొక్కీని చనవు చేకోవే
చ. 3: మంతన మై యుండఁగాను మరఁగేల
పంత మిచ్చినందుమీఁద బలిమేల
యింతలో శ్రీవెంకటేశుఁడిటు గూడెను
మంతు కెక్కెఁ దొల్లిటిమాట లిఁక నేలే
