ఈ పుట అచ్చుదిద్దబడ్డది
రేకు: 0310-5 కాంబోది సంపుటం: 11-059
పల్లవి: చలములు మాని అన్నీఁ జవి సేసుకోంటిఁ గాక
తెలివి మొగముననుఁ దేరునా వొరులకు
చ. 1: చిత్తము నొవ్వకుండ చేతుల మొక్కితిఁ గాక
యిత్తల నీ చేసేచేఁత లెన్ని లేవు
వత్తివలె వాడక నీవద్దఁ జెలఁగేఁ గాక
కొత్తలుగ మోము చూడఁ గొలుపుగా యిందుకు
చ. 2: కాఁకలు రేఁగకుండఁగ గానుక లిచ్చితిఁ గాక
యేఁకట నీ పొరపొచ్చే లెన్ని లేవు
ఆఁకలు సేయక నీకు నట్టే నే లో నైతిఁ గాక
పూఁకొన నైన రతికి నుద్యోగము వుట్టునా
చ. 3: తగవులు దప్పకుండ దయతోఁ గూడితిఁ గాక
యెగసక్యాలు నీ వైతె నెన్ని లేవు
ఆగవడి శ్రీవెంటాధిప కూడితి నన్ను
వెగ టైన యిందుమీఁదు వేసటలు వుట్టునా
