ఈ పుట అచ్చుదిద్దబడ్డది
రేకు: 0310-4 కాంబోది సంపుటం: 11-058
పల్లవి: ఓరి నీకు నది యేమి వుండఁబట్టదా
వారి వీరివలె మాట వడిఁబెట్ట వద్దురా
చ. 1: యీసు రేఁచ నేఁటికి యందరిలోపల నిన్ను
వాసి దెచ్చుకొని యెంత వంచఁ జూతునో
రాసి కెక్కితివి తొల్లె రచ్చకూ నెక్కితివి
బేసబెల్లి నా కోపము పెంచ నిఁక వొద్దురా
చ. 2: కన్నుసన్న లేటికి కడు సిగ్గునను నీ
మన్ననఁ గూడి యే మని మాటాడుదువో
వెన్న వేసినవారిని వెస రాత వెయ్య రాదు
అన్నిటా జాణఁ జేసితి వటు మీర వద్దురా
చ. 3: దొమ్మి సేయ నేఁటికి తొడిఁబడఁ గాఁగిటి మీ
యిమ్ముల నిన్నలయించి యే ముందునో
నమ్మించి శ్రీవెంకటేశ నన్నుఁ గూడితివి నీవు
సమ్మతించిన మీఁదటఁ జలపట్ట వద్దురా