ఈ పుట అచ్చుదిద్దబడ్డది
రేకు: 0310-3 పాడి సంపుటం: 11-057
పల్లవి: చెప్పఁగల మాట లిఁకఁ జెప్పవయ్య
ముప్పిరి నిందుకె నేను మోము వంచే నయ్యా
చ. 1: చలివేఁడి సటకాఁడ చదురుల జాణకాఁడ
మొలకనవ్వులతోను మొక్కె మయ్య
వలపులయండ గాసీ వాడికవెన్నెల గాసీ
అలరి యిందుకు వెర గందే మయ్యా
చ. 2: వీదుల జాజరకాఁడ వేసాల వేడుకకాఁడ
యీదెఁస బాయము కాను కిచ్చే మయ్యా
తోదోపువసంత మిదే తొక్కుడుసరస మిదే
ఆదరాన నిందులోనే అలసే మయ్యా
చ. 3: కైకోలు వేగిరకాఁడ కందువల వగకాఁడ
చేకొని నీచెప్పినట్టు సేసే మయ్యా
యీకడ శ్రీవెంకటేశ యిట్టె నన్నుఁ గూడితివి
మేకొని యిన్నిటా నిన్ను మెచ్చే మయ్యా