ఈ పుట అచ్చుదిద్దబడ్డది
రేకు: 0310-2 దేశాక్షి సంపుటం: 11-056
పల్లవి: ఇంతేసి దొరపొందు యెందుకు నైనా వచ్చు
చింత దీర నా మనసు చెలఁగించవయ్యా
చ. 1: పలుమారు నీతోను పలచఁగా నే నవ్వితే
యెలమి నీ చిత్త మిఁక నెట్టుండునో
పిలువఁగ నీతోను బిగిసి వూరకుండితే
అలరి కైకొనని అదియు నెట్టుండునో
చ. 2: పిక్కటిల్ల నీతోను బెరసి మాటలాడితే
యెక్కువ తక్కువలందు నెట్టుండునో
వక్కణించగా నీతో వడి గుట్టున నుండితే
అక్కజపు గర్వమని అదియు నెట్టుండునో
చ. 3: కదియఁగ నీతోను కడు నేఁ గొసరితేను
ఇదె శ్రీవెంకటేశ నేఁ డెట్టుండునో
పొదిగి కూడితి వింకఁ బూఁచి సిగ్గు వడితేను
అదను గా దని సంత మదియు నెట్టుండునో
