ఈ పుట అచ్చుదిద్దబడ్డది
రేకు: 0310-1 రామక్రియ సంపుటం: 11-055
పల్లవి: ఒద్దికతో మము నీవు వూరకె చూడఁగ రాదా
చద్దికి వేడికి మేమే సంతముల లయ్యేము
చ. 1: యిద్దము నేకతము నాయెదటనె ఆడఁగాను
వుద్దంగాలు సేయక యెట్టోరుతు నేను
వొద్ద నీ వుండగా నింతి నొరసితి ననివాదు
వద్దన్నా మానక యేల వహించుకొనేవు
చ. 2: జాఱక నీవును నాపె సన్నలు సేసుకోఁగాను
చూఱలుగ నెలువలెఁ జూతు నేను
మీఱి నీ మంచముమీఁదిమెలుత నంటితి నని
ఆఱడి నీ వేల ఆపె కడ్డాలు వచ్చేవు
చ. 3: చెక్కు నొక్కి నీవు నది సెలవుల నవ్వుకోఁగా
తెక్కుల నెట్ల సమ్మతింతు నేను
చిక్కించి నిన్నుఁ గూడితి శ్రీవెంకటేశ్వర నేను
కక్కసించితే నాపెకుఁగా నేల మొక్కేవు