ఈ పుట అచ్చుదిద్దబడ్డది
రేకు: 0309-6 రామక్రియ సంపుటం: 11-054
పల్లవి: ఈపాటివాఁడవా యిస్సీ నీవు
యేపున నీ దీమసము యేడ నుండె నపుడూ
చ. 1: ఆయము సోఁకినమాట లాపె నీతో నాడఁగాను
కాయ మెల్లఁ గరఁగేవు కాక దేరఁగా
యీయెడ వద్ద నున్నవా రెవ్వ రవుతా నెరఁగవు
చేయి వట్టి తియ్యఁగానె సిగ్గు వడే విపుడు
చ. 2: చిప్పిల సెలవులను చెలి యట్టె నవ్వఁగాను
తప్పక చూచే వక్కడె దైవారుతా
చెప్పి చెప్పి నిన్ను గోరఁ జిదిమినా నెరఁగవు
కొప్పువట్టి తయ్యఁగా కొంకి లోఁగే విపుడు
చ. 3: చెక్కు నొక్కి సతి నీ సేవ లెల్లఁ జేయఁగాను
మిక్కిలి లోలుఁడ వైతి మేర మీరఁగా
కక్క సించి నేఁ గూడితె గక్కన శ్రీ వేంకటేశ
మొక్కుచు నాతో నింతలో ముచ్చటాడే విపుడు