ఈ పుట అచ్చుదిద్దబడ్డది
రేకు: 0309-5 సామంతం సంపుటం: 11-053
పల్లవి: మనవి చెప్పితిని మఱమకుమీ
కనుఁగొని నామాఁట కడుమకుమీ
చ. 1: యిచ్చక మాడితి వీడనె వుంటవి
మచ్చిక నా మేలు మఱవకుమీ
వచ్చి వేకేరొకతె వలపులు చల్లిన
పచ్చిదేరి మరి పదరకుమీ
చ. 2: సరస మాడితివి చనవు లిచ్చితిని
మరిగిననాపొందు మానకుమీ
సరిగా మరొకతె సందులు దూరిన
తొరలి యపుడు మరి తొలఁచకుమీ
చ. 3: కలసితి విప్పుడు కాఁగిలించితివి
పొలసి యిట్లనె భోగించుమీ
యెలమిని శ్రీవెంకటేశ్వర మరొకతె
పిలిచితేను మరి పెనఁగకుమీ