ఈ పుట అచ్చుదిద్దబడ్డది
రేకు: 0309-4 కొండమలహరి సంపుటం: 11-052
పల్లవి: కాంతలు పదారువేలు గలవాఁడవు
యెంత నేనే విటు నీతో నెదురాడే దాననా
చ. 1: నన్ను మన్నించ వలసి నాతో నవ్వితిని గాక
యెన్నఁగ నావంటివారు యెంత లేదు
చిన్నఁబోకుండాను నాచెక్కు నొక్కే వింతే కాక
మిన్నక నేర్పుల నిన్ను మెప్పించేదాననా
చ. 2: నామీద కృప గలిగి ననుపు సేసేవు గాక
యేమీ నే నిందరిలో నేమి బాఁతి
దీమసము చెడకుండ తివిరి బుజ్జగించేవు
కామించి నీమన సంత కరఁగించేదాననా
చ. 3: కడు నన్ను నేలె నని కాఁగిలించు కొంటి గాక
యెడమని నీరతికి యీడా నేను
బడినె శ్రీవెంకటేశ పాయకుండా మరపేవు
కడ లేనిమోహానకు కాణాచిదాననా