ఈ పుట అచ్చుదిద్దబడ్డది
రేకు: 0309-3 భైరవి సంపుటం: 11-051
పల్లవి: నీవు మంచవాఁడవె నే నెట్టుండితి నేమి
యీ విధము లెరఁగక యెడ్డదాన నైతిని
చ. 1: నిండిన నీతలపోఁత నే నెరఁగఁగా నావద్ద
నుండఁగా నావాఁడ వని వుంటిఁ గాని
యెండమావులనీళ్లు యేరు లంటా నుండి నట్టు
కొండవంటి యాసచేత కూళదాన నైతిని
చ. 2: పంతాలు నే నెరఁగఁగా పలుకక నీ వుండఁగ
అంతలో నా కెదురాడ మాని వుంటిని
బంతినె తెల్లని వెల్లఁ బాలంటా చవి గొన్నట్టు
రంతులబాసలు నమ్మి రాఁపుదాన నైతిని
చ. 3: నీ మోహము లెరఁగఁగా నిక్కము నాకు మొక్కఁగ
అముకొని యెగసక్యా లని వుంటివి
చేముంచి శ్రీవెంకటేశ చెఱకున పండున్నట్టు
కామించి నీవుర మెక్కి ఘనురాల నైతిని
