ఈ పుట అచ్చుదిద్దబడ్డది
రేకు: 0309-2 శంకరాభరణం సంపుటం: 11-050
పల్లవి: మెత్తనిమనసుదాన మేలు దాఁచ నే నేర
కొత్తగా నింతేసికిని గురి యైతి నయ్యా
చ. 1: సిగ్గుపడి నీ వుండఁగ సెలవుల నవ్వు వచ్చీ
వొగ్గి మాటాడిన నవ్వు లొగి వచ్చీని
నిగ్గుల నీ రెంటికిని నీ మోవియే సాక్షి
యెగ్గులు న న్నేల పట్టే వేమి సేతు నయ్యా
చ. 2: తలవంచు కుండినాను దయ నాకుఁ బుట్టీని
అలసి చూచిన దయ అట్టె పుట్టీని
మొలచి యీ రెంటికి నీ మోముకళలె సాక్షి
కులికి మమ్మేల యింత గోర నేనే వయ్యా
చ. 3: వూరకే నీ వుండినాను వొనరీని వలపులు
ఆరీతి నుండినా ఘన మయ్యీ వలపు
యీరీతి నీ చక్కఁదన మీ రెంటికిన సాక్షి
చేరు శ్రీవెంకటేశ మెచ్చి కూడితి వయ్యా
