ఈ పుట అచ్చుదిద్దబడ్డది
రేకు: 0309-1 మంగళకౌశిక సంపుటం: 11-049
పల్లవి: విచ్చేయు మాయింటి కిట్టె వింతవాఁడవా
వచ్చిదేరెఁ బను లెల్ల పైపై నీవల్లనే
చ. 1: యిచ్చక మై యుండేవాడ వెగ్గు లేల పట్టేవు
నచ్చుల నే తిట్టినాను నవ్వవలెఁ బో
చెచ్చెర నా కెల వలచితి నని యందువు
యెచ్చు కుందు లాయ మాట యిదివో నీ వల్లనే
చ. 2: చుట్టము వైనాఁడవు సోలి చిన్నఁ బో నేల
అట్టె నే రాకు మనిన నంటవలెఁ బో
దట్టముగ నాకుఁగా వ్రతము వట్టితి నందువు
వెట్టిపొందు లెల్లాను వెలసె నీవల్లనే
చ. 3: తగులు గలవాఁడవు తడఁబాటు లిఁక నేల
మొగము నేఁ జూచిలేను మొక్కవలెఁ బో
నిగిడి శ్రీవెంకటేశ నీవు నేనుఁ గూడితిమి
తెగనిమహిమ లెల్లఁ దెలినె నీవల్లనే