ఈ పుట అచ్చుదిద్దబడ్డది
రేకు: 0308-6 కేదారగౌళ సంపుటం: 11-048
పల్లవి: అప్పటినాతో నేల అమరమాట లాడేవు
తిప్పరాని నీవలపు దిష్ట మై వుండఁగను
చ. 1: కప్పురవిడె మిచ్చితే కార మై తోఁచెగా
చోప్పుగ నీమో మాపె చూడకుండఁగా
దప్పి దేరే మోముతోడ దగ్గరి నే నుండఁగాను
చిప్పిల నీ మే నెల్లఁ జెమరించెఁగా
చ. 2: వొగిఁ బన్నీరు చల్లితే వులివెచ్చ దోఁచెఁగా
నగి నగి ఆపె నీతో నాలి నేయఁగా
చిగురుచిత్తముతోనె చేత నిన్ను నంటఁగాను
మొగచా టై రతు లెల్ల మొన చూచెఁగా
చ. 3: గందము వుయ్యగ నీకు కడుఁ బచ్చి దోఁచెఁగా
ముందరనే ఆపె నీకు మోవి యియ్యఁగా
యిందులోనె శ్రీవెంకటేశ నే నిన్నుఁ గూడితి
యిందరిలోనె నాపొందు యితవాయఁగా
