ఈ పుట అచ్చుదిద్దబడ్డది
రేకు: 0308-5 రామక్రియ సంపుటం: 11-047
పల్లవి: ఎక్కినవానికిఁ జూడ యేనుగ గజ్జెయుండు
వెక్కస మై వెలువ వేవేలు సేసునయ్యా
చ. 1: నన్ను నాడుకోఁ గాని నాయంతటిది లేదు
వున్నత మయిన నీవూడిగానకు
పిన్నదాని కింత నీవు పెద్దరికము గట్టితి
విన్ని నీ పెద్దరికమే యెంచి చూడవయ్యా
చ. 2: వెల్లవిరి సేయఁ గాని వెలితి లేదు నాకు
వెల్లనె రతుల నిన్ను మెప్పించేయందుకు
చెల్లబడి సేసితివి జిగి నీ యాఁటదానిని
కల్ల గా దివెల్లను నీ ఘనతే కాదా
చ. 3: ఆన వెట్టుకోఁ గాని అన్నిటా జాణను నేను
మెనాన నీపాదాలు మెక్కేయందుకు
పూని శ్రీవెంకటేశుఁడ భోగించితి విటు నన్ను
యీ నగవు లీ సంతోస మిది నీదె సుమ్మీ
