ఈ పుట అచ్చుదిద్దబడ్డది
రేకు: 0301-6 రామక్రియ సంపుటం: 11-006
పల్లవి: దండ నుంటే గైకోఁడు దవ్వుల నుంటేఁ బైకొను
చండి సేసేది అతని సాజమే కాదా
చ. 1: పెనఁగి కానకుంటేను పిలువ నంపు నని
మొనసి నీతో నంటి మొదలే కాదా
పొనిఁగి మీరు నాకు బుద్ది చెప్ప రాకు మని
మనుపనె చెలులాల మొక్కిఁతి గాదా
చ. 2: మంకుతోడ నూరకుంటే మాటలాడించు నని
అంకెల నీతో నవ్వితి నందుకే కాదా
వంక లొత్తి మాకు మీరు వలపు రేఁచకు మని
పొంకాన మీదాన నని పొందైతిఁ గాదా
చ. 3: యింటిలో నే నూరకుంటే యీడకే విచ్చేసు నని
దంటనై సన్న సేసితి దానికే కాదా
అంటుక శ్రీవెంకటేశుఁ డలమె దూరకుడని
జంటై మీ సమ్మతినె చక్క నుంటిఁ గాదా
