ఈ పుట అచ్చుదిద్దబడ్డది
రేకు: 0301-5 ముఖారి సంపుటం: 11-005
పల్లవి: ఆయము లిఁక నిద్దరి కంటుఁ గాక
చేయివల్ల నుండ నేలె చేఁతల యాతనికి
చ. 1: నిగ్గుల నాతఁ డన్నియు నీకెతోఁ జెప్పఁగాను
యెగ్గు లేల పట్టేవె యేమే నీవు
సిగ్గులు నిను రేఁచితె చింతఁ బొరలేదానవు
దగ్గరి కూచుండ నేలె తమకపాతనివి
చ. 2: నెమ్మది నీమోము చూచి నీవిభుఁడె నవ్వఁగాను
యెమ్మె లేల సేసేవె యేమే నీవు
కమ్మ నీకు మొక్కి తేనె కాఁక రేఁగేదానవు
చెమ్మఁజెమ టార్చ నేలె సేవల నాతనికి
చ. 3: వెకలి శ్రీవెంకటాద్రివిభుఁ డిట్టె కూడఁగాను
యెకసక్కే లే లాడేవె యేమే నీవు
వొకటొకటికి నీవు వొరసెటిదానవు
మొకమిచ్చ లాడ నేలె మొదలె యాతనిని