ఈ పుట అచ్చుదిద్దబడ్డది
రేకు: 0301-4 సాళంగం సంపుటం: 11-004
పల్లవి: ఆవధరించవయ్య అనుమాన మిఁక నేల
చివురుఁజేతులనె సేసెవెట్టీ నిదివో
చ. 1: కాంత మోవివిందు వెట్టి కన్నులనవ్వుఁజూపుల
వింతలుగ గప్పురపువిడే లిచ్చి
పొంతనె సరసముల పువ్వుబాసికేలు గట్టి
చింత దీర చెనకుల సేస వెట్టీ నిదివో
చ. 2: పక్కనఁ దనతొడలఁ బానుపు వరచి నీకు
గక్కన మోహా లనేకట్నా లిచ్చి
వెక్కసపుఁ దమకాల వియ్యము లట్టె యంది
చిక్కని చనుగుబ్బలనేస వెట్టీ నిదివో
చ. 3: దొమ్మిఁ గాఁగిటనే గురుతుల సొమ్ము లెల్ల నించి
నెమ్మది నానందముల నెలవుకొని
కొమ్మ శ్రీవెంకటేశుఁడ కూడె నిన్ను మేడలోన
చిమ్ముఁజెమటల ముత్తేలసేస వెట్టీ నిదివో