ఈ పుట అచ్చుదిద్దబడ్డది
రేకు: 0301-3 హిజ్జిజి సంపుటం: 11-003
పల్లవి: నీ వోజగా దిది ని న్నెఱఁగనా
బూవపుసరసా లేల పూఁచ వచ్చేవూ
చ. 1: అంగనమొగము చూచి అప్పటప్పటికి నాతో
యెంగిలిమాటలు నేర్చి యే లాడేవు
సంగడి జాణతనాలు సతు లెల్ల నాడఁగాను
జంగిలివలపు లేల చల్ల వచ్చేవూ
చ. 2: తరుణి అప్పణగొని తమకించి నాతోడ
యెరవుల నవ్వులు నీ వేల నవ్వేవు
వరుస వంతులవారి వాసుల గొంత రేఁచుక
పొరుగు పొరచు లేల పుయ్య వచ్చేవూ
చ. 3: యింతి కైదండ వట్టుక యిప్పు డిట్టె నామీఁద
యింతలోనె నీ చేయి యేల వేసేవు
బంతినె శ్రీవెంకటేశ పై కొని నన్ను గూడితి
దొంతరరతుల కేల దొమ్మి సేసేవూ
