ఈ పుట అచ్చుదిద్దబడ్డది
రేకు: 0308-2 నాదరామక్రియ సంపుటం: 11-044
పల్లవి: ఏమయ్య నీ దొరతన మిటువంటిదా
నీ మనసు నాపై బత్తి నే నెరగనా
చ. 1: ఆపె నిన్ను వెడమాట లాడఁగాను విని నీవు
యేపున నూరకుండితి వేమయ్య
నీ పొందు లిటువంటివా నిన్నిందరుఁ గనరా
వో పో నమ్నినదాని నొప్పగింతురా
చ. 2: వోరతోడ నాపె సేసే వుద్దండా లెల్లాఁ జూచి
బీరాన నీవు వచ్చి పెనఁగ వద్దా
నేరపు లేనివాఁడవా నీ వెరఁగవా యిన్ని
కోరి నీవే గతి యంటే కూడుక రావలదా
చ. 3: పొంచి యాపె చేసేసుక పోఁగా నేఁ డా గర్వ మెల్ల
తుంచి వేయకుంటె నది దోసము గాదా
మించి శ్రీవెంటేశుఁడ మే లిచ్చి నన్నుఁ గూడితి
తెంచి నా పగ లన్నియుఁ దీరిచితి విపుడు