ఈ పుట అచ్చుదిద్దబడ్డది
రేకు: 0308-1 మాళవి సంపుటం: 11-043
పల్లవి: ఇందుకుఁగా వట్టి వాదు లిఁక నీతో నేలయ్య
పొందు లెల్లఁ జేకొంటిమి పొద్దున రావయ్యా
చ. 1: నీచేత మాటలకు నీకన్నుల తేటలకు
యేచి లోనైనవారికి నేల కోపము
పూచినట్టె వుండుఁ గాని పున్నమినాఁటివెన్నెల
చూచితేఁ బువ్వులు లేవు సోద్య మింతే కాని
చ. 2: సేసేటి నీ మేకులకు సెలవుల నవ్వులకు
ఆసపడ్డవారము మా కలు కేఁటికి
పూసినట్లనె వుండు పుప్పొడి పై రాలితేను
వోసరి గందమువలె వొళ్ల నేమ నంటదు
చ. 3: నిక్కపు నీ సేసలకు నిండిన నీ కాఁగిటికి
చిక్కినవారము మాకు చింత లేటికి
యిక్కువ శ్రీవెంకటేశ యేక మైతివి వలపు
లెక్కకు వచ్చినట్టుండు లేదు మితి మేరా