ఈ పుట అచ్చుదిద్దబడ్డది
రేకు: 0307-6 శంకరాభరణం సంపుటం: 11-042
పల్లవి: తక్కినసుద్దులు తడవ మిఁక
చొక్కులఁ బెట్టుచు సొలయకువయ్యా
చ. 1: చెల్లుగడి గని చేసినచేఁతలు
చల్లనిమాటల సడి వాసె
తొల్లిటిదాననె తొడిఁబడఁ జెక్కులు
యిల్లిదె నొక్కే విదేఁటికయ్యా
చ. 2: పన్నిన మాయలఁ బాసినకాఁకలు
కన్నుల నవ్వుల కసి దీరె
చిన్నదాననె చేతికి లోనె
చన్నులు ముట్టేవు సట లేలయ్యా
చ. 3: అండనె కాఁగిట నలసిన అలయిక
నిండు మోవితేనెలఁ దేరె
వెండియు నిటు శ్రీ వెంకటేశ నమ
మెండుగఁ గూడితి మెచ్చితి నయ్యా
