ఈ పుట అచ్చుదిద్దబడ్డది
రేకు: 0307-5 రామక్రియ సంపుటం: 11-041
పల్లవి: ఇచ్చకము సేయ వచ్చే వే మందును
బచ్చెన సటకాఁడపు భళరా మెచ్చితిని
చ. 1: చేయి వట్టి పెనఁగేవు చెక్కు నొక్క వచ్చేవు
యీయెడ నీతో నింక నే మందును
చాయలకె నవ్వేవు సరసము లాడేవు
పాయపువగకాఁడవు భళరా మెచ్చితిని
చ. 2: చెలఁగి విడె మిచ్చేవు చెమటలు దుడిచేవు
యెలయింపు నీచేఁతల కే ముందును
వలపులు చల్లేవు వద్ద నిట్టె కూచుండేవు
బలిమి మాయకాఁడవు భళరా మెచ్చితిని
చ. 3: చన్నులపయి నొరగేవు సారె గాఁగిలించేవు
యేన్నేసి నీ వినయాలు యే ముందును
యిన్నీటా శ్రీవెంకటేశ యిట్టే నన్నుఁ గూడితిని
పన్నినగండికాఁడవు భఁళరా మెచ్చితిని
