ఈ పుట అచ్చుదిద్దబడ్డది
రేకు: 0307-4 సాళంగం సంపుటం: 11-040
పల్లవి: నీవు నాతఁ డొక్కటె నేము నీవారమె
వోవరి లోననే వుండి వొడఁబా ట్లేఁటికే
చ. 1: మొక్కిన నీ మొక్కు లెల్ల మొదలి పెండ్లివిడేలు
చిక్కని నీనవ్వులె నేసపాలు
తక్కినసుద్దు లేఁటికి తగు లాయఁ బను రెల్ల
యిక్కడి కక్కడి కింక నెడమాట లేఁటికే
చ. 2: చూచినచూపులు నీకు చుట్టుపుసమ్మంధాలు
తాచినగంధాక్షతలు తలపోఁతలు
చేచేత మీ కిద్దరికి చేసిన చేఁతలు దక్కె
యేచ యిందరునుఁ జెప్పే యియ్యకో ళ్లేఁటికే
చ. 3: కలసినకలయిక కందువసోబనములు
పలుసంతసాలె మీ మీ బాసికాలు
యెలమి శ్రీవెంకటేశు నిటు నీవె కూడితివి
యెలయింపుఁ జెలులచే నెగపోఁత లేఁటికే
