ఈ పుట అచ్చుదిద్దబడ్డది
రేకు: 0307-3 ముఖారి సంపుటం: 11-039
పల్లవి: అందరుఁ జెప్పేరు విను అది దగవా
యిందరిలో బొంకను నీ కిది దగవా
చ. 1: చేరి గొల్లెతలు నీతో చీఁకటితప్పు సేసితే
ఆరితేరి నవ్వితివి అద దగవా
చీరలు దీసితి వట చేరి కొలనిదరిని
యీరీతి నింతటిదొర విది దగవా
చ. 2: చెలఁగి వుట్లపై దాఁచిన వెన్నలునుఁ బాలు
అలమి ఆరగించితి వది దగవా
కలపితి వట వారికట్టినదూడల నాల
యిలపై నీ వుద్దండాలు యింత దగవా
చ. 3: చక్కిలాలు నురుగు సతులు దాఁచిన వెల్ల
అక్కరఁ గైకొంటి మాట అది దగనా
గుక్కక శ్రీవెంకటాద్రికోమలపుకృష్ణుఁడవై
యెక్కి వేసాలు సేసే విది దగవా
