ఈ పుట అచ్చుదిద్దబడ్డది
రేకు: 0307-1 హిజ్జిజి సంపుటం: 11-037
పల్లవి: ననుబోఁటి చెలు లెల్లా నవ్వరా నిన్ను పతి
చెనకినదాఁకా గుట్టు నేయంగ వలదా
చ. 1: కనుసన్న సేసితేనె కరఁగితి రమణుఁడు
తనువు సోఁకితే నెంత తమకింతువో
యెనసెటివేళనె యిన్నియు నయ్యీఁ గాక
అనువు నీ ప్రియములు అందరిలో వలెనా
చ. 2: మాటలాడినంతలోనే మరుగుగొంటి వాతఁడు
నాటఁగ నవ్వితే నెంత నయ మవుదునో
పాటించి యేకతమందె పచ్చి దేరీఁ గాక నీవు
వాల మైన సరసాలు వాకిటనె వలెనా
చ. 3: యిక్కువఁ గూడినంతలో యిచ్చితివి చన వెల్ల
మొక్కితే విభుని కెంత మోహింతువో
మక్కువ శ్రీవెంకటేశ్వమహిమ లీడేరుఁ గాక
చెక్కులు నొక్కక తొల్లె సిగ్గు లింత వలెనా
