ఈ పుట అచ్చుదిద్దబడ్డది
రేకు: 0306-4 మాళవిగౌళ సంపుటం: 11-035
పల్లవి: వలెఁగా వేసాలు వద్దన్న మానఁడు
యెలయింపులమాటల నెంత సేసినె
చ. 1: కన్నుల నే మొక్కితేను కాఁక రేల రేఁగీనా
యిన్నీటాఁ జేతులు మోపి యేల చూపీనే
వెన్నెలబయట నుంటె వెత రేల రేఁగీనె
నిన్న నేటనె కతలు నేరిచేఁదాఁ గదవే
చ. 2: పొలసి నే నగితేను పులక లేల పుట్టీనె
యెలమిఁ జూడు మ నెన లేల పెట్టీనె
చిలుకలు వలికితే చింత లేల పొడమీనె
మలక లెల్లఁ బెనచేమాయకాఁడు గదవే
చ. 3: గక్కునఁ గాఁగిలించితె కడుఁ జెమరించ నేలె
మిక్కిలి గోర నూరిచి మీఁదఁ జిమ్మీనె
యెక్కువ శ్రీవెంకేశుఁ డెనసె నన్నిటా నన్ను
చక్కరసరసముల జాణకాఁడు గదవే
