ఈ పుట అచ్చుదిద్దబడ్డది
రేకు: 0306-3 వరాళి సంపుటం: 11-033
పల్లవి: అంత సేసినవాఁడవు పంత మీవయ్య
చెంతల నీకుఁ బ్రియము చెప్ప దిదివో
చ. 1: చెక్కులు నొక్కిననొక్కు చిత్తమెల్లఁ బులకించి
మక్కువకామిని నీతో మాట లాడదు
అక్కడ నవ్విననవ్వు ఆయ మెల్లఁ గాఁడి పారి
చొక్కుచు నిన్నుఁ దప్పక చూడ దిదివో
చ. 2: సరస మాడినచేఁత సందుసందులనుఁ జిక్కి
వొరయుదు చన్నుల ని న్నూరికె చెలి
యిరవుగాఁ జూచినచూ పెదలోనఁ బాయదు
తెరమరఁ గెంతైన దియ్య దిదివో
చ. 3: బిగియించిన కాఁగిట ప్రియముల తల కెక్కి
వెగటుసంతోసముల విఱ్ఱవీఁగీని
నిగిడి శ్రీవెంకటేశ నీ వింతలోఁ గూడఁగాను
తగిలిన రతులకె తమకించీ నిదివో