ఈ పుట అచ్చుదిద్దబడ్డది
రేకు: 0306-2 రామక్రియ సంపుటం: 11-032
పల్లవి: చిత్తగించు నీకు నేఁ జెప్పినదాననా
యిత్తల నంతేసి నీ వెఱఁగనివాఁడవా
చ. 1: నీవు మన్నించదాన నీకు వలచినదాన
యీవల నల్లది నాతో యీడుజోడుదా
వావాత నావాదు నీవు వహించుకో కుంటేను
చేవలు మీరి నిన్ను మోచినదాఁకా రాదా
చ. 2: సేస వెట్టితిని నీవు చేయి చాఁచితి నేను
వాసితో నల్లది నాతో వంతు వచ్చేదా
బాసతో నాకుఁగా నీవు పట్టి పెనఁగ కుండితే
ఆసల నాస లని అందాఁకా రాదా
చ. 3: దక్కితివి నీకు నాకు తగు లైతి నే నీకు
మొక్కక అల్లది నాతో మొన చూపేదా
యిక్కువఁ గూడితివి నన్నిట్టె మెరయించకుంటే
నిక్కి శ్రీవెంకటేశ్వర నిన్ను ముట్టి రాదా
