ఈ పుట అచ్చుదిద్దబడ్డది
రేకు: 0306-1 దేసాళం సంపుటం: 11-031
పల్లవి: మాతో నేల తన కింత మచ్చరాలు నీవె
పోతరించినయాపెకు బుద్దిచెప్ప రాధా
చ. 1: పక్కన నీతో నేను పదరి నవ్వితి నంటా
అక్కడనుండె సణఁగు లాపె ఆడీని
తక్కి చలిమి బలిమి తన కింత గలితేను
చిక్కించుక నిన్నేమైనాఁ జేయఁగ వలెఁబో
చ. 2: మంచముపై నీవు నేను మరిగి వున్నారమని
యించుకంత చూడ నోప కీసడించీని
నించి తన కంతేసి నేరుపే కలిగితేను
అంచల నిన్ను రప్పించి అదలింవలెఁ బో
చ. 3: కందువ నీవు నన్నుఁ గాఁగిట గూడితి వంటా
చెంది లోలోనే తాను చిన్నఁ బోయ్యిని
యిందుకు శ్రీవెంకటేశ యిన్నిటా తా జా ణైతేఁ
బొంది యిచ్చకము నేసి పొదుగఁగ వలెఁబో
