ఈ పుట అచ్చుదిద్దబడ్డది
రేకు: 0305-5 పాడి సంపుటం: 11-029
పల్లవి: ఇంకా నేల నాచేతి యెడమాటలు
అంకెకు వచ్చున్న వాఁడు ఆడనె నీ వాడవే
చ. 1: తుచ్చము లే మాడితవో దూరు లెంత దూరితవో
ముచ్చట దీరఁ బతికి మొక్కవే నీవు
పచ్చిగా నీ మంచముపై పవళించి వున్నవాఁడు
యిచ్చకపుప్రియములు యేకతానఁ జేయవే
చ. 2: యే మని చెప్పించితివో యెంతేసి పెనఁగితివో
మోము చూచి వొక్కమాటు మొక్కవే నీవు
చే ముట్టక నీవద్దనె సిరసు వంచుకున్నాఁడు
కామించి యాతనిమతి కరఁగించఁగదవే
చ. 3: నవ్వులేమి నవ్వితినో నాలి యెంత సేవితివో
మువ్వంక నందుకుఁ దగ మెక్కవే నీవు
యివ్వల శ్రీవెంకటేశుఁ డిరవుగ నన్నుఁ గూడె
రవ్వలు సేయక లోలో రతుల మొప్పించవే