ఈ పుట అచ్చుదిద్దబడ్డది
రేకు: 0305-3 కాంబోది సంపుటం: 11-027
పల్లవి: ఎవ్వరీ బుద్దులు విన రెందాఁకాను
యివ్వల జాగరా లున్నా రెందాఁకాను
చ. 1: చక్కెరమోవులు వాడె సరసములలోననె
యెక్కడి ఆలుకలు మీ కెందాఁకాను
ముక్కున నూర్పులు రేఁగె ముట్టీముట్టుక తొల్లె
యిక్కువ పంతములు మీ కెందాఁకాను
చ. 2: కన్నులఁ గావులు గప్పె కందువనవ్వులలోనె
యెన్నేసి వొట్లు వెట్టే రెందాఁకాను
తన్నుఁ దానె చెవరించె తనువుల నిద్దరికి
యిన్నిటా మీ మతకము లెందాఁకాను
చ. 3: మోమునఁ గళలు రేగె ముంచినసిగ్గులలోనె
యేమిటికి ననుమానా లెందాఁకాను
వేమారుఁ గూడితిరి శ్రీవెంకటేశుఁడును నీవు
యీ మాట లందరుఁ జెప్పే రెందాఁకాను
