ఈ పుట అచ్చుదిద్దబడ్డది
రేకు: 0304-6 మెంచబౌళి సంపుటం: 11-024
పల్లవి: అతఁడెంత నీ వెంత ఔ నవునే
ఘాతఁ బెద్దరిక మింతాఁ గట్టుకొంటివే
చ. 1: పంతము లన్నియును నీపతిపైనె నెరుపేపు
పొంతల నిన్నే మని పొగడుదునే
అంతటి నీకొనగోరు అతనిపై మోపితిని
దొంతరమొనలు చూప దొడ్డదానవే
చ. 2: చలము లితనిపైనె సాదించ నేరిచితివి
నిలిచె నింత లాభము నీవద్దనే
పిలువఁగానె పెనఁగి బీరమునుఁ జూపితిని
కలికితనము లిందె కైకొంటివే
చ. 3: యేతు లెల్ల శ్రీవెంకటేశ్వరునికె చూపేవు
నీతి నడచేవారిలో నీవే కదె
యీతల మామాటలకు నితని నిట్టె కూడితి
పోతరించి యిన్నిటా నీపుణ్య మాయఁ గదవే