ఈ పుట అచ్చుదిద్దబడ్డది
రేకు: 0304-5 నాదరామక్రియ సంపుటం: 11-023
పల్లవి: ఇందరము నెరిగితి మిఁక నేలా
సందడి సవతులలో సరి నుండుఁ గాకా
చ. 1: నిక్కి నిక్కి చూచి యాపె నీతో నేల సన్న సేసీ
రక్కసితనము మాని రమ్మన రాదా
దక్కి వున్నాఁడవు నీవు తనపాలిటికిఁ దొల్లె
వెక్కస మై నే నుండితే వెర పేల తనకు
చ. 2: అంత నింత నుండి నీతో ఆపె యాల నవ్వీని
వంతుకు నీతోఁ బెనఁగ వచ్చుఁ గాక
వింతవాఁడవా నీవు వేరు నే మింతే కాక
యింతేసి పనులు సేసె యిఁక నేల వెఱపూ
చ. 3: పొరుగుపొంతల నాపె పూఁచి ని న్నేల కూడీని
సిరులు నీసొమ్ము గాఁగఁ జేసుకో రాదా
యిరవై నన్నుఁ గూడితి విదె శ్రీవెంకటేశుఁడ
తెరవాసె వెర పేల తెల్ల మాయఁ బనులు