ఈ పుట అచ్చుదిద్దబడ్డది
రేకు: 0304-4 సాళంగనాట సంపుటం: 11-022
పల్లవి: ఏఁటివో నీకే తెలుసు నివి యిన్నియు
మాటు లేని నీగుణాలు మట్టు లేనివె
చ. 1: తేనెలు గారెడిమాట తేరకొన నాడేవు
కానుక వట్టెటిచూపు కడు జల్లేవు
లోనైరినీ కిందుకే లోకములో చెలు లెల్ల
వీనుల నీసుద్దు లైతే వినఁ గొత్తలె
చ. 2: కడు నీవినయుములు కస్తురివంటివె
బడిబడి నీవలపు పాలవంటిదె
విడువరు ని న్నిందుకే వీదివీదిసతు లెల్ల
తడవతే నీవిధాలు తమకించేవే
చ. 3: చెలఁగి నీకూటములు జిగు రయి అంటుకొను
అలరు నీముచ్చటలు ఆనందాలు
కలసితి విదె శ్రీవెంకటగిరీశ్వర నన్ను
బలు నీ మన్ననలు పైపై భాగ్యాలె
