ఈ పుట అచ్చుదిద్దబడ్డది
రేకు: 0304-3 సామంతం సంపుటం: 11-021
పల్లవి: ఊడిగపువారము నీ కొప్పించేము లోనిమాట
వేడుకఁ దెలుసుకొమ్మీ వేరె వేరె నీవు
చ. 1: చిలుకలు వలికీని చెవి యొగ్గి వినవయ్య
కలువలు వికసించెఁ గై కోవయ్య
చెలిమి సేసీఁ దీగెలు చేత నందుకొనవయ్య
వెల నీకుఁ జెప్పరాని విన్నప మిదయ్యా
చ. 2: జక్కవలు మెదలీని సరవులు చూడవయ్య
నిక్కెను మేఘ మదివో నీ వంటవయ్య
మిక్కి లద్దాలు మెరిచీ మించి నీడ చూడవయ్య
వెక్కసపు గుట్టుతోడి విన్నప మిదయ్య
చ. 3: వెన్నెల గాసీఁ జంద్రుఁడు వెలయఁగ మెచ్చవయ్య
సన్నల మోవిపండు చవి గొనవయ్య
నిన్ను శ్రీవెంకటేశుఁడ నీరాణివాసము గూడె
వెన్నవంటి మెత్తని విన్నప మిదయ్యా
