ఈ పుట అచ్చుదిద్దబడ్డది
రేకు: 0304-2 మంగళకౌశిక సంపుటం: 11-020
పల్లవి: చేసినంతే చేఁతగాక చెలు లెల్లా నీపట్టుకు
తాసువలె మెలఁగితే తగ వెఱిఁగేవా
చ. 1: వద్దనుండి నీ కాపె వలపులు రేఁచఁగాను
బుద్ది చెప్పితే వినేవా పొరుగువారు
వుద్దండాననె నిన్ను వొడివట్టి తియ్యఁగాను
కొద్ది నుంటి వింతే కాక గుణ మెరిఁగేవా
చ. 2: నలుగడ నాకె నీతో నవ్వు లట్టె నవ్వఁగాను
పిలిచినాఁ బలికేవా పెరవారు
చలము సాదించి నిన్ను సరిఁ గాఁగిలించు కొఁగా
కలయ వచ్చేవు గాక కరఁగేటి వాఁడవా
చ. 3: రతులచవులు చూపి రచ్చ నిన్ను వేయఁగా
యితవు సేసితేఁ జవులా యింటివారు
మితి మీరి నేఁ గూడఁగ మెల్లనె శ్రీవెంకటేశ
తతిఁ జేకొంటివి గాక తగిలేటివాఁడవా
