ఈ పుట అచ్చుదిద్దబడ్డది
రేకు: 0304-1 లలిత సంపుటం: 11-019
పల్లవి: ఇంక నేఁటి బిగువు యేల నీకును
వంక లొత్త నొరగులౌ వాసిమీఁదను
చ. 1: తిలకించి నీచేఁతకు తిట్టు కేల మానును
చలిమి బలిమిఁ గల జవరాలు
అలుగ నీకుఁ దగదు ఆయములు సోఁక నాపె
ఆలమి లోనికి దీసె నందుమీఁదను
చ. 2: చెనకే నీ మాటలకు చేయి చాఁచ కేల మాను
మనసు మర్మము గన్న మదిరాక్షి
పెనఁగ నీకు దగదు ప్రేమములు రేఁగ నాపె
అనువుగగా కళ రేఁచె నందుమీఁదను
చ. 3: కూడిన నీకూటమికి కొన కెక్క కేల మాను
సూడుఁ బాడు నెరింగిన సుదతీమణి
యీడనె శ్రీవెంకటేశ యెనసి నిన్నిదె యాపె
ఆడుకోలు చెల్లించె నందుమీఁదను
