ఈ పుట అచ్చుదిద్దబడ్డది
రేకు: 0303-6 శ్రీరంగం సంపుటం: 11-018
పల్లవి: ఎందరి భ్రమించితివో యిటువలెనే
యెందును నీ మర్మ మిది యెరఁగ మైతిమిరా
చ. 1: మచ్చికల నీతోడ మాటలాడి నిన్నటి
మచ్చరపుటుకలు మరచితిని
మచ్చట నీవిటువంటి మెకమాయకాఁడ వౌత
యిచ్చలోన నేము తొల్లె యెరఁగ మైతిమిరా
చ. 2: పక్కన నిన్ను దగ్గరి పంతపుమాట లెల్ల
మక్కళించి యాడ నీతో మరచితిని
గక్కన నీ వింతతమకములు నేరుచుకొంట
యిక్కువగా నేఁడు నేము యెరఁగ మైతిమిరా
చ. 3: పెనఁగి పెనఁగి నీతోఁ బెట్టుకొన్నవొట్లెల్ల
మన సిచ్చి కూడి నే మరిచితిని
ననిచి శ్రీవెంకటేశ నాఁటఁకీడ వవుత నిన్ను
యెనసినవేళ నేమీ నెరఁగ మైతిమిరా