ఈ పుట అచ్చుదిద్దబడ్డది
రేకు: 0303-5 కేదారగౌళ సంపుటం: 11-017
పల్లవి: చిత్త మెట్టుండెనో నేఁడు చేసిన నాచేఁతలకు
అత్తి మొక్కి అందుకె నీ వానలు వెట్టితిని
చ. 1: యీడు జోడై కూడి నీవె యిచ్చినచనవునను
ఆడినట్టె ఆడి నిన్ను నలయించితి
జాడతోడి నా వొళ్లి జవ్వనమదమునను
వోడక నీ వంటితేను వోప నంటిని
చ. 2: మంతనము లాడినట్టి మందెమేళముననె
పంతములే నీ యడకుఁ బచరించితి
అంతగా నీ విచ్చినట్టి అతిరాజసమునను
సంతసాన నీకు మంచము దిగ నైతిని
చ. 3: మదనకేలిఁ జొక్కించి మన సిచ్చినందువంక
పదిమారులును నిన్నుఁ బచ్చి సేసితి
యిదె శ్రీవెంకటేశ్వర నీ వెనయుపరవశాన
వుదుటు మీరఁగ నీవురముపై నెక్కితి
