ఈ పుట అచ్చుదిద్దబడ్డది
రేకు: 0303-3 పాడి సంపుటం: 11-015
పల్లవి: ఊరకుండవయ్యా నీవు వువిదతో మారాడక
ఆరయ నొచ్చము లేదు అంగనల కెపుడు
చ. 1: యే మాడిన నాఁటదాని కెగ్గులేదు తప్పు లేదు
నేమాన నూరకుండిన నేరమి లేదు
దోమటిగాఁ జూచినాను దొరతన మై తోఁచు
వేమారు నవ్విన నవి వేడుకలై నిలుచు
చ. 2: తల వంచుకుండినాను తగ్గు లేదు మొగ్గు లేదు
పలుకక వుండినాను భయము లేదు
బలుములై చూపినాను పంతము లై రతి కెక్కు
పెలుచుఁజేత సేసినా ప్రియము లై తగులు
చ. 3: మించి కాఁగిటఁ గూడిన మితి లేదు మేర లేదు
యించుక గుట్టున నున్న యెరవె లేదు
అంచల శ్రీవెంకటేశ అంగనఁ గూడితి విట్టె
మంచముపైఁ గూచుండిన మర్మము లై మించును